დღეს სამების საკათედრო ტაძარში სახალხო პოეტის ჯანსუღ ჩარკვიანის პანაშვიდი გაიმართა. პოეტი მთაწმინდის პანთეონში დაკრძალეს. პანაშვიდზე იმყოფებოდა პოლიტიკური მოძრაობა „თავისუფლების" ლიდერი კონსტანტინე გამსახურდია.

„რეპორტიორთან" საუბარში გამსახურდიამ მწუხარება გამოთქვა პოეტის გარდაცვალების გამო.

„ჯანსუღ ჩარკვიანი შესანიშნავი ადამიანი იყო, საოცრად მახვილგონიერი, ნიჭიერი და შესანიშნავი ოჯახის მამა.

ძალიან დიდი სიახლოვე აკავშირებდა ჩვენს ოჯახებს, ჯერ კიდევ კონსტანტინე გამსახურდიას სიცოცხლისა და მოღვაწეობის წლებიდან", - განაცხადა კონსტანტინე გამსახურდიამ.