ნაურუს პრეზიდენტი ბარონ ვაკა ოკუპირებულ აფხაზეთს „ვიზიტით" ეწვია. ამის შესახებ ინფორმაციას აფხაზური მედია ავრცელებს.

ნაურუს პრეზიდენტს ე.წ. რუსულ-აფხაზურ საზღვარზე ოკუპირებული აფხაზეთის დე-ფაქტო საგარეო საქმეთა მინისტრი დაურ კოვე შეხვდა.

ნაურუს პრეზიდენტის დელეგაციის შემადგენლობაში შედიან დეპუტატები, ჯანდაცვისა და განათლების მინისტრი ჩარმინ სკოტი, პრეზიდენტის მრჩეველი მილტონ დიუბი და გაერო-ში ნაურუს მუდმივი წარმომადგენელი მარლენ მოუზესი.

დღესვე დაგეგმილია ნაურუს პრეზიდენტის და ოკუპირებული აფხაზეთის ე.წ. პრეზიდენტის, რაულ ხაჯიმბას შეხვედრა, სადაც ორმხრივი თანამშრომლობის მდგომარეობასა და პერსპექტივებს განიხილავენ.