საქართველოს პრემიერ-მინისტრის გიორგი კვირიკაშვილის განცხადებით, საქართველოს ძალიან დადებითი ტენდენცია აქვს ტურისტების და ვიზიტორების ზრდის კუთხით.

მისი თქმით, საქართველო ამ ტენდენციას არათუ შეინარჩუნებს, არამედ გაცილებით უფრო გაიზრდება ამ კუთხით საქართველოს მიმართ ინტერესი.

„ჩვენ გვაქვს ძალიან დადებითი ტენდენცია ტურისტების და ვიზიტორების ზრდის კუთხით. ვფიქრობ, რომ საქართველო ერთ-ერთი მიმზიდველი ქვეყნის სტატუსს არათუ შეინარჩუნებს, არამედ გაცილებით უფრო გაიზრდება ამ კუთხით საქართველოს მიმართ ინტერესი", - განაცხადა გიორგი კვირიკაშვილმა.