საპარლამენტო უმრავლესობის წევრმა გიორგი კოპაძემ „რეპორტიორთან" საუბარში მთავრობაში განხორციელებული საკადრო და სტრუქტურული ცვლილებები შეაფასა.

„მივესალმები ამ ყველაფერს. ჩემთვის ძალიან მნიშვნელოვანი და სწორი გადაწყვეტილებები მიიღო მთავრობამ და პრემიერმა, რომ მოხდა ოპტიმიზაცია. ძალიან ბევრი მსგავსი მაგალითი არსებობს ევროპაშიც და სხვაგანაც, რომ სამინისტროები გაერთიანებულა. ეს ძალიან მნიშნელოვანია და ეფექტსაც მალე მოგვცემს, პირველ რიგში, იმ თვალსაზრისით, რომ ძალიან ბევრი თანხა დაიზოგება და ამასთან, მუშაობა გახდება უფრო ეფექტური", - განაცხადა გიორგი კოპაძემ.