საპარლამენტო უმრავლესობის წარმომადგენელმა დიმიტრი ხუნდაძემ „რეპორტიორთან" საუბრისას საქართველოს პრემიერ-მინისტრის გადაწყვეტილება შეაფასა, რომელიც მთავრობის საკადრო და სტრუქტურულ ცვლილებებს შეეხებოდა.

„ყველა ცვლილება უნდა ემსახურებოდეს წინსვლას და უკეთეს პერსპექტივას. ეს ასეც იქნება. იმ პირობებში, როცა საბიუჯეტო ხარჯები არის დასაზოგი, ვფიქრობ, რომ აბსოლუტურად სწორი გადაწყვეტილებაა სხვადასხვა უწყებების შეერთება. ეს არ იქნება მხოლოდ არითმეტიკული, ციფრებში გამოხატული შეერთება, ეს იქნება თვისობრივი და შინაარსობრივი ცვლილება", - განაცხადა დიმიტრი ხუნდაძემ.