ევროსაბჭოს საგაზაფხულო სესიის პლენარულ სხდომაზე დეპუტატებმა ფეხზე ადგომით და წარწერით  - „თავისუფლება სავჩენკოს"  - უკრაინელი მფრინავის ნადეჟდა სავჩენკოს პატიმრობა გააპროტესტეს.

„ნადეჟდა სავჩენკო ჩვენი მეგობარია. ის რუსეთის ფედერაციას უკანონოდ ჰყავს დაკავებული.  მან 12 დღის წინ გამოაცხადა მშრალი შიმშილობა. ექიმები აცხადებენ, რომ ის ვერ იცოცხლებს დიდხანს. ამიტომ ჩვენ მივიღეთ გადაწყვეტილება,  მოვითხოვოთ მისი ვადაზე ადრე გათავისუფლება, მოვუწოდოთ მსოფლიოს, მოახდინოს რეაგირება არა ხვალ და ზეგ, არამედ -  დღეს. მოგიწოდებთ ყველას, ადგეთ ფეხზე და ამ მოწოდებას შეუერთდეთ", - განაცხადა სესიაზე უკრაინელმა დეპუტატმა ოლენა სოტკინმა.

დეპუტატის მოწოდებას საქართველოს პარლამენტის დელეგაციის წევრებიც შეუერთდნენ.