NATO-ს გენერალურმა მდივანმა იენს სტოლტენბერგმა თურქეთის პრეზიდენტს რეჯეფ ტაიპ ერდოღან​ს პირადად დაურეკა, რათა კიდევ ერთხელ მოეხადა ბოდიში NATO-ს წვრთნის დროს მომხდარი ინციდენტის გამო.

ეს უკვე მეორე ბოდიშია, რომელსაც ერდოღანი იღებს, თუმცა თურქეთის პრეზიდენტი მიიჩნევს, რომ მხოლოდ ბოდიში საკმარისი არ არის.

გუშინ, თურქეთმა ნორვეგიაში მიმდინარე NATO-ს წვრთნებიდან 40 სამხედრო მოსამსახურე უკან გაიწვია. ამის მიზეზი თურქეთის მოქმედი და ყოფილი პრეზიდენტების, რეჯეფ თაიფ ერდოღანისა და ქემალ ათათურქის სტენდზე განთავსებული პორტრეტები გახდა, რომელიც ნორვეგიელმა სამხედრომ შეცდომით სწავლებისთვის განკუთვნილ პოლიგონზე „მტრების" კატეგორიაში განათავსა.

ინციდენტის გამო, ჩრდილო-ატლანტიკური ალიანსის ხელმძღვანელობამ ანკარას ბოდიში მოუხადა, თუმცა ერდოღანი NATO-ს ბოდიშს არ აღიარებს.