სრულიად საქართველოს კათოლიკოს-პატრიარქმა, უწმინდესმა და უნეტარესმა ილია მეორემ ქაშუეთის წმინდა გიორგის სახელობის ტაძარში მსახურების დასრულების შემდეგ მრევლს გიორგობის დღესასწაული მიულოცა და დღევანდელ დღეს ისტორიული გიორგობა უწოდა.

„ყველას გილოცავთ გიორგობას, ეს არის ისტორიული გიორგობა. წმინდა გიორგიმ ინება, რომ გვყავდეს მოსაყდრე და ასეთი არის მეუფე შიო. მეუფე შიოს ვულოცავ ამ მაღალ წოდებას და იმედი მაქვს, რომ გაამართლებს დაკისრებულ საქმეს", - ბრძანა პატრიარქმა.