ევროკომისიის პრეზიდენტის ჟან-კლოდ იუნკერის განცხადებით, საქართველო და უკრაინა ვიზა-ლიბერალიზაციისთვის საჭირო კრიტერიუმებს ასრულებენ. იუნკერი იმედოვნებს, რომ ევროპარლამენტი და საბჭო შესაბამის გადაწყვეტილებას საქართველოსა და უკრაინისთვის უახლოეს კვირებში მიღებენ.  ამის შესახებ ევროკომისიის პრეზიდენტმა ევროპის საბჭოს საპარლამენტო ასამბლეის სესიაზე სიტყვით გამოსვლისას განაცხადა.

„უკრაინა და საქართველო ასრულებენ კრიტერიუმებს, რომელიც სავიზო რეჟიმის ლიბერალიზაციისთვის აუცილებელ პირობას წარმოადგენს. ბოლო პერიოდში გამართული მოლაპარაკებები აჩვენებს, რომ ეს ორი ქვეყანა საკუთარ ვალდებულებებს ასრულებს.

რა თქმა უნდა, არსებობს გარკვეული სირთულეებები, მაგრამ უკრაინა და საქართველო მზად არიან და უკვე მიიღეს კომისიის პოზიტიური დასკვნა. ვიმედოვნებ, რომ ევროპული პარლამენტი და საბჭო შესაბამის გადაწყვეტილებას უახლოეს კვირებში მიიღებენ", - განაცხადა ჟან-კლოდ იუნკერმა.

მისი თქმით, ევროკავშირი არ აპირებს, უვიზო რეჟიმთან დაკავშირებით საქართველოს ახალი პირობები დაუწესოს.