არჩევნების თარიღთან დაკავშირებით მიმდინარე პროცესებს საქართველოს პრალამენტის წევრი გია ჟორჟოლიანი „ხელოვნურად შექმნილ აჟიოტაჟად" აფასებს. როგორც ჟორჟოლიანი განმარტავს, პრეზიდენტსა და მთავრობას შორის არსებული აზრთა სხვადასხვაობების მიუხედავად, პროცესი ჩიხში შესული არ არის.

„არავითარ პოლიტიკურ კრიზისს ადგილი არა აქვს. ეს ვიღაცეებს ესიზმრებათ, რომ არის კრიზისი. ზოგიერთი პოლიტიკური და არასამთავრობო ჯგუფი ზედმეტ აჟიოტაჟს ტეხს", - აცხადებს გია ჟორჟოლიანი.