ივანე ჯავახიშვილის დაბადებიდან 140-ე წლის იუბილესთან დაკავშირებით, თბილისის სახელმწიფო უნივერსიტეტის ბიბლიოთეკამ მოამზადა ივანე ჯავახიშვილის შრომების გამოფენა.

ექსპოზიცია ივანე ჯავახიშვილის ავტორობითა და რედაქტორობით 1899-2012 წლებში გამოქვეყნებული შრომების სრული სახით წარმოდგენის პირველი მცდელობაა.

გამოფენა გაიხსნება 2016 წლის 22 აპრილს, 12:00 საათზე, უნივერსიტეტის ბიბლიოთეკის ცენტრალურ შენობაში (მისამართი: უნივერსიტეტის ქ. №11).

ღონისძიებაზე მოწვეულნი არიან უნივერსიტეტის ადმინისტრაციული და აკადემიური პერსონალი, სტუდენტები, საბიბლიოთეკო წრეების წარმომადგენლები.

დასწრება თავისუფალია.