აღმოსავლეთ იერუსალიმში, იუდეას და სამარიას რიგ ქალაქებში ისრაელის სამართალდამცველებსა და პალესტინელ ექსტრემისტებს შორის შეტაკებები დაიწყო.

არეულობა მას შემდეგ დაიწყო, რაც პალესტინის ხელისუფლების წარმომადგენლებმა ძალადობისკენ მოწოდებები გააკეთეს აშშ-ის მიერ იერუსალიმის ისრაელის დედაქალაქად აღიარების შესახებ.

საპროტესტო აქციის მონაწილეები სკანდირებენ - „იერუსალიმი პალესტინაა", „მოვკვდებით ალ-აქსასთვის". ისრაელის პოლიციამ ძალების მობილიზება მოახდინა იმ ადგილებში, სადაც შეტაკებებს ადგილი აქვს.

ექსტრემისტურად განწყობილი დემონსტრანტები პოლიციელებს ქვებს ესვრიან. პოლიციამ ცრემლსადენი გაზი გამოიყენა.

გუშინ, აშშ-ის პრეზიდენტმა დონალდ ტრამპმა იერუსალიმი ისრაელის დედაქალაქად აღიარა და აშშ-ის სახელმწიფო დეპარტამენტს მიმართა, ისრაელში აშშ-ის საელჩოს იერუსალიმში გადატანის პროცესი დაიწყოს.

წყარო :