ოდესის ოლქის ყოფილი გუბერნატორი მიხეილ სააკაშვილი დააკავეს - ამის შესახებ მისი თანაგუნდელი დავით საყვარელიძე სოციალურ ქსელში წერს.

მისივე ინფორმაციით, სააკაშვილი უკრაინის უსაფრთხოების სამსახურში გადაჰყავთ.

„ახალი ძალების მოძრაობის" პრესმდივანი მარიანა პოჩტარი მიხეილ სააკაშვილის დაკავების შესახებ ინფორმაციას ადასტურებს. ამის შესახებ მან გამოცემა „უკრაინასკაია პრავდას" განუცხადა.

მოძრაობის წარმომადგენლის განცხადებით, სამართალდამცველებმა „რადას" წინ გაშლილი კარვების ქალაქის შტურმი დაიწყეს.