ადამიანის უფლებების დაცვის, კანონის უზენაესობის, ინსტიტუციური და დემოკრატიული ინსტიტუტების მშენებლობის კუთხით საქართველოში განხორციელებული რეფორმები იქნება ევროსაბჭოს საპარლამენტო ასამბლეის სესიაზე საქართველოს პრემიერ-მინისტრ გიორგი კვირიკაშვილის გამოსვლის მთავარი თემები.

საქართველოს მთავრობის მეთაურმა ჟურნალისტებთან საუბრისას აღნიშნა, სათქმელი ბევრი აქვს და მოხარული იქნება, ამის შესახებ ევროპელი მეგობრების წინაშე ისაუბროს.

პრემიერ-მინისტრი ასევე მზად არის, ყველა კითხვას უპასუხოს.

გიორგი კვირიკაშვილი ევროსაბჭოს საპარლამენტო ასამბლეის სესიაზე სიტყვით ხვალ გამოვა.