„დღეს აღარ არის ისეთი სიტუაცია, რომ ვიღაც იყოს აკრძალული და არ უშვებდნენ არსად" , - ამის შესახებ მომღერალმა ცისანა სეფიაშვილმა გადაცემაში „რეაქცია" განაცხადა და აღნიშნა, რომ ჯემალ სეფიაშვილს საახალწლო კონცერტზე საშუალება ექნება საზოგადოების წინაშე წარსდგეს.

„ძალიან კარგია, რომ დღეს ჯემალ სეფიაშვილი აღარ არის აკრძალული, როგორც აქამდე იყო, მე მაპატიეთ, მაგრამ ეგრე იყო... დღეს აღარ არის ისეთი სიტუაცია, რომ ვიღაც იყოს აკრძალული და არ უშვებდნენ არსად - არც სცენაზე, არც ქუჩაში და არც ტელევიზიით. ძალიან დიდი მადლობა, რომ ჯემალ სეფიაშვილი შეძლებს, წარსდგეს საზოგადოების წინაშე და მეც მასთან ერთად", - განაცხადა ცისანა სეფიაშვილმა.