საპარლამენტო უმრავლესობის წევრი ზვიად კვაჭანტირაძე ნათია თოდუას ,,The Voice of Germany 2017"-ში გამარჯვებას ულოცავს და სოციალურ ქსელში შემდეგი სახის პოსტს აქვეყნებს:

„ნათია თოდუა გერმანული „ვოისის" გამარჯვებულია!

გილოცავთ ყველას!

ნათია, საქართველოს სიამაყეა!" - წერს კვაჭანტირაძე.

ნათია თოდუა The Voice of Germany-ის გამარჯვებული გახდა. მან კონკურენტები ხმათა დიდი რაოდენობით დაამარცხა. გერმანული Voice-ის გამარჯვებული ნათია თოდუა 50.10%-ით გახდა.

​ნათია თოდუა 26 000 კონკურსანტიდან 4 ფინალისტში მოხვდა. მისი მწვრთნელი ფინური როკ-ბენდის დამაარსებელი და ვოკალისტი სამუ ჰაბერი იყო, რომელიც ნათიასთან ერთად კონკურსის გამარჯვებული გახდა.

​გერმანული Voice-ის ფინალურ შოუზე მაყურებლის წინაშე ედ შერონი სპეციალური ნომრით წარსდგა. მუსიკალური კონკურსი The Voice of Germany ქვეყანაში დიდი პოპულარულობით სარგებლობს.