საქართველოს ყოფილი პრემიერ-მინისტრი ირაკლი ღარიბაშვილი კათოლიკოს-პატრიარქს ილია მეორეს აღსაყდრებიდან 40 წლის იუბილეს ულოცავს და სოციალურ ქსელში შემდეგი სახის პოსტს აქვეყნებს:

„ვულოცავ ჩვენს პატრიარქს აღსაყდრებიდან 40 წლისთავს. ძნელია, მხოლოდ სიტყვებით შევაფასოთ მისი ღვაწლი ჩვენი ერისა და სახელმწიფოს წინაშე. მჯერა, კიდევ უფრო მეტი მადლიერებითა და სიყვარულით დავაფასებთ მისი უწმინდესობის უდიდეს მისიას და საქმეს, რომელიც მთლიანად უკავშირდება ეკლესიის გაძლიერებას, ერის სულიერების ამაღლებასა და განმტკიცებას", - წერს ღარიბაშვილი.