კულტურისა და ძეგლთა დაცვის მინისტრი მიხეილ გიორგაძე ხვალ დაასახელებს, მისი რომელი მოადგილე უხელმძღვანელებს ფრანკფურტის წიგნის ბაზრობის პროექტს.

მისივე თქმით, მედეა მეტრეველი რჩება პროექტში და მითქმა-მოთქმა უნდა დასრულდეს.

„როგორც მე ვამბობდი, ისე იქნება. წიგნის ეროვნული ცენტრი არ ჩამოშორდება პროექტს, პირიქით, ყველამ ერთად უნდა ვიმუშაოთ. შეიქმნება ფართო მასშტაბიანი საზოგადოებრივი საბჭო და ყველამ

აქტიურად უნდა ვიმუშაოთ", -  აცხადებს მიხეილ გიორგაძე.

ცოტა ხნის წინ, ცნობილი გახდა, რომ კულტურისა და ძეგლთა დაცვის მინისტრის მოადგილე მანანა ბერიკაშვილმა ფრანკფურტის წიგნის ბაზრობის პროექტი დატოვა.