„ჩემი წარსული ცხოვრებიდან გამომდინარე ჯანსაღი ცხოვრების წესის დამკვიდრების მომხრე ვარ, თუმცა მარიხუანას მოხმარებისთვის ადამიანები ციხეში არ უნდა მიდიოდნენ", - ამის შესახებ თბილისის მერმა კახა კალაძემ ტელეკომპანია „იბერიის" ეთერში განაცხადა.

„რეფორმა გასაკეთებელია, ამას სჭირდება საზოგადოების ფართო ჩართულობა, გახსნილობა და მსჯელობა. დარწმუნებული ვარ ჩვენ მივიღებთ და შევიმუშავებთ ისეთ კანონს, რომელიც ყველასთვის მისაღები იქნება", - განაცხადა კახა კალაძემ.