„მართვის სტრატეგიული ინსტიტუტის" ხელმძღვანელმა პეტრე მამრაძემ „რეპორტიორთან" საახალწლო სურვილებზე ისაუბრა. მისი მთავარი სურვილი ქვეყნის დემოგრაფიული მდგომარეობის გამოსწორებაა.

„ჩვენს ქვეყანას ვუსურვებდი მშვიდობას, ხალხს კი - ჯანმრთელობასა და ბედნიერებას. ასევე, ყველაზე დიდი გამოწვევა, რასაც ვერაფერი შეედრება, რის ფონზეც ყველაფერი უკანა პლანზე გადადის, ესაა ჩვენი დემოგრაფიული კატასტროფა. მართალია, ამის რეალური საფუძველი არ ჩანს, მაგრამ ჩემი საახალწლო სურვილი და ოცნება შეიძლება იყოს, რომ გამოსწორდეს ეს მდგომარეობა და უკვე გაისად შეეტყოს ეს გამოსწორება ჩვენს ქვეყანას", - განაცხადა პეტრე მამრაძემ.