გურიის გუბერნატორმა მერაბ ჭანუყვაძემ დღეს გურიის რეგიონში სოციალურად დაუცველი და უკიდურესად შეჭირვებული ოჯახები მოინახულა. 

მერაბ ჭანუყვაძემ მათ შობა-ახალი წელი მიულოცა და საახალწლო ნობათი გადასცა.

„მოვინახულეთ  ოზურგეთში და ლანჩხუთში მცხოვრები რამდენიმე სოციალურად დაუცველი, შეჭირვებული ოჯახი, მივულოცე დამდეგი ახალი წელი და მათ საჭიროებებს ადგილზე გავეცანი.  ჩვენი მთავარი ამოცანა არის სწორედ ასეთი ოჯახების გვერდით დგომა და მათი სოციალური პირობების გაუმჯობესება, რომელსაც აუცილებლად გავაგრძელებთ მომავალშიც", - განაცხადა გუბერნატორმა.