კიევის საქალაქო სასამართლოში მიხეილ სააკაშვილისთვის მოქალაქეობის ჩამორთმევის საკითხზე სასამართლო პროცესი მიმდინარეობს. საქართველოს ყოფილმა პრეზიდენტმა აღნიშნა, რომ შემთხვევითი არ არის, როცა ერთი დღის განმავლობაში მის საქმეზე სამი სასამართლო პროცესი წარიმართა.

დღეს კიევის სააპელაციო სასამართლომ მთავარი პროკურატურის საჩივრის განხილვა მიხეილ სააკაშვილისთვის შინაპატიმრობის მისჯის თაობაზე 11 იანვრისთვის გადადო. მიზეზად მოსამართლემ სასამართლოში მოწმეების არასაკმარისი რაოდენობა დაასახელა.