მიხეილ სააკაშვილის ბრალდების საქმის მოსამართლე გიორგი არევაძე მცირე განმარტებას აკეთებს, თუ რატომ გაამტყუნა სანდრო გირგვლიანის საქმეზე ყოფილი პრეზიდენტი.

„მიხეილ სააკაშვილს მსჯავრი დაედო იმაში, რომ მან მაღალი თანამდებობის პირების პასუხისმგებლობისგან აცილების მიზნით გასცა დაპირება, რომ სასჯელის მიუხედავად, თუ რა დაენიშნებოდა მსჯავრდებულებს სასამართლოს მიერ, შეიწყალებდა მათ", - განმარტა მოსამართლემ.

შეგახსენებთ, რომ საქართველოს ყოფილი პრეზიდენტი მიხეილ სააკაშვილი სასამართლომ სანდრო გირგვლიანის საქმეზე დამნაშავედ ცნო და სასჯელის ზომად 3 წლით თავისუფლების აღკვეთა მიუსაჯა.