„2017 წელს ტურისტების რაოდენობა 27.9%-ით გაიზარდა", - ამის შესახებ ინფორმაციას საქართველოს მთავრობა ავრცელებს.

„გასული წლის განმავლობაში საქართველოში შემოვიდა 7 554 936 საერთაშორისო მოგზაური.

იანვარ-დეკემბერში საერთაშორისო მოგზაურთა შემოსვლის პოზიტიური ტენდენცია დაფიქსირდა ევროპის ქვეყნებიდან:

გაერთიანებული სამეფო +39.9%,

ნიდერლანდები +31.1%,

ესპანეთი +29.9%,

საფრანგეთი +29.6%

გერმანია +25.7%

ასევე აშშ-დან + 24.5%

ტურისტების ნაკადების ზრდის პარალელურად, მნიშვნელოვნად იზრდება შემოსავლები საერთაშორისო ტურიზმიდან. 2017 წლის I-III კვარტლების ჯამური მონაცემებით შემოსავალი უცხოური ტურიზმიდან საქართველოში შეადგენს 2.2 მილიარდ დოლარს (ზრდა +29%)

ტურიზმის წილი მთლიან შიდა პროდუქტში 2017 წლის მესამე კვარტლის მონაცემებით შეადგენს 7.6%-ს. ზრდა წინა წელთან შედარებით +15.8%-ია",  - ნათქვამია გავრცელებულ ინფორმაციაში.