პარლამენტის ყოფილი დეპუტატი ხათუნა ხოფერია საქართველოს ყოფილი პრეზიდენტის მიხეილ სააკაშვილის მიმართ სანდრო გირგვლიანის საქმეზე სასამართლოს მიერ გამოტანილ განაჩენთან დაკავშირებით გავრცელებულ კრიტიკას სოციალურ ქსელში ეხმიანება და შემდეგი სახის პოსტს აქვეყნებს:

„გირგვლიანის სადისტური მკვლელობა სასაფლაოზე ყოფილა პოლიტიკური შეცდომა!!!

აფრასიძეების ჩაცხრილვა - პოლიტიკური შეცდომა!

ავტოვაგზალზე 3 ახალგაზრდის მკვლელობა - პოლიტიკური შეცდომა!

კორტებთან ახალგაზრდების ლიკვიდაცია - პოლიტიკური შეცდომა!

ციხის ბუნტის სისხლში ჩახშობა - პოლიტიკური შეცდომა!

გიორგი გამცემლიძის სახლთან მოკვლა პატრულის მიერ - პოლიტიკური შეცდომა!

ხელებაწეული ბუტა რობაქიძის მოკვლა პატრულის მიერ - პოლიტიკური შეცდომა!

მოდელირებული ქრონიკით გარდაცვლილი ადამიანები - პოლიტიკური შეცდომა!

სულხან მოლაშვილის სიკვდილი - პოლიტიკური შეცდომა!

26 მაისს დახოცილები - პოლიტიკური შეცდომა!

2008 წლის ომში დაღუპულები - პოლიტიკური შეცდომა!

მემორიალის აფეთქებისას გარდაცვლილი დედა-შვილი - პოლიტიკური შეცდომა!

პალიასტომში ჩაყრილი გვამები - პოლიტიკური შეცდომა!

დიახ! ამას ჰქვია სააკაშვილის სისხლიანი რეჟიმი!

ეს მკვლელობები მართლაც იყო რეჟიმის მიერ გატარებული პოლიტიკის შედეგი!

ამიტომაც, რეჟიმი უნდა გასამართლდეს!" - წერს ხოფერია.