მთავარი პროკურორის ყოფილი პირველი მოადგილე ლაშა ნაცვლიშვილი სოციალურ ქსელში შემდეგი სახის პოსტს აქვეყნებს:

„დასანანია, რომ საერთაშორისო ტერორიზმის მეტასტაზებმა საქართველოშიც შემოაღწია და რელიგიური გრძნობებით მანიპულირების გზით, ჩვენი ახალგაზრდების რეკრუტირება დაიწყო. ყველას უნდა გვესმოდეს, რომ სწორედ ამ პროცესს შეეწირა თემირლან მაჩალიკაშვილი და არა სახელმწიფოს ურყევ ნებას, არ დაუთმოს ქვეყანა ტერორისტებს. ნებისმიერი სპეკულაცია ამ თემაზე, მითუმეტეს, პოლიტიკური, ეთნიკური ან რელიგიური ასპექტების გამოყენებით, მიმაჩნია სახელმწიფოს საფუძვლების შერყევისაკენ მიზანმიმართულ ქმედებად და ჩვენი მოქალაქეების უსაფრთხოების უხეშ ხელყოფად", - წერს ნაცვლიშვილი.