გმირთა მოედანზე მდებარე რესტორანში მომხდარ ინციდენტთან დაკავშირებით დაკავებული მომღერალი საბა სამუშიაა. ამის შესახებ ინფორმაციას imedinews.ge ავრცელებს.

მომღერალი გმირთა მოედანზე მდებარე ყოფილ „მატრიოშკაში" მეგობრებთან ერთად იმყოფებოდა და ჩხუბი სუფრის წევრებს შორის მოხდა. ინციდენტის დროს მან თანასუფრელები დაჭრა და სამართალდამცველებმა მაშინ დააკავეს, როდესაც რესტორანს ტოვებდა.

მომღერალი 120-ე მუხლით არის დაკავებული, რაც ჯანმრთელობის მსუბუქ დაზიანებას გულისხმობს.

გმირთა მოედანზე დაჭრილი ახალგაზრდა კაცი ამ დრომდე რეანიმაციულ განყოფილებაში მართვით სუნთქვაზე რჩება. მას ოპერაცია გამთენიისას ჩაუტარდა და დაზიანებები მარჯვენა ბარძაყზე და მარჯვენა წინამხარზე აღენიშნებოდა.

17 იანვარს გვიან ღამით, თბილისში, გმირთა მოედანზე, ერთ-ერთ რესტორანში სამი ადამიანი დაჭრეს. არსებული ინფორმაციით, დაჭრის ფაქტს წინ უძღოდა ურთიერთშელაპარაკება და ფიზიკური დაპირისპირება.

წყარო :