თურქეთის სამხედრო ოპერაცია რეგიონში სტაბილურობის შენარჩუნებას ძირს უთხრის, - ეს განცხადება ამერიკის შეერთებული შტატების სახელმწიფო დეპარტამენტში გაკეთდა.

მანამდე, თურქეთის თავდაცვის მინისტრმა ნურეთინ ჯანიკლიმ განაცხადა, რომ ქვეყნის შეიარაღებული ძალების ოპერაცია სირიის აფრინის რაიონში ფაქტობრივად, დაწყებულია. თუმცა აღნიშნა, რომ თურქული ჯარი აფრინში ჯერჯერობით არ შესულა. აფრინის რეგიონში თურქეთმა ქურთების პოზიციები არტილერიით რამდენჯერმე დაბომბა.