თბილისის საკრებულოს ფრაქცია „ქართული ოცნება - დემოკრატიული საქართველოსთვის" წევრმა, ვატო შაქარიშვილმა, გადაცემა „არჩევანში" თბილისში მიმდინარე მშენებლობებზე ისაუბრა. შაქარიშვილი აღნიშნავს, რომ თბილისის საკრებულოში ყველა სამშენებლო ნებართვის გადახედვა დაიწყო.

„რა თქმა უნდა, მშენებლობას არავინ არ ეწინააღმდეგება! რა თქმა უნდა, ბიზნესის ამ მიმართულებას არავინ არ ეწინააღმდეგება, მაგრამ ქალაქი უნდა აშენდეს, გაშენდეს და განვითარდეს სწორად. არ შეიძლება, ყოველგვარი დასაბუთების გარეშე, ყოველგვარი კვლევის გარეშე, ყოველგვარი დოკუმენტაციის გარეშე გაიცემოდეს ნებართვები," - განაცხადა ვატო შაქარიშვილმა.