„საქართველოს დემოგრაფიული საზოგადოება XXI"-ის დირექტორი ზვიად ტომარაძე სოციალურ ქსელში შემდეგი სახის პოსტს აქვეყნებს:

„როგორც ჩემთვის ცნობილია, 15 მართლმადიდებლური ეკლესიიდან მხოლოდ საქართველოს ეკლესიას არ აქვს საეკლესიო სასამართლო! ვფიქრობ, აუცილებლად უნდა აღსდგეს საეკლესიო სასამართლო, რომელიც განიხილავს ბრალდებებს სასულიერო პირების მიმართ და საეკლესიო სამართლის მიხედვით გაასამართლებს მათ!

როდესაც ეს მოხდება, არც ტელეკომპანიების გასარჩევი გახდება ეკლესიის საქმეები, არც ერი დაბრკოლდება და არც ცილისწამებას ექნება ადგილი ღირსეული მღვდელმთავრებისადმი! უღირსი სასულიერო პირები კი განიკვეთებიან!" - წერს ტომარაძე.