თურქეთის საგარეო საქმეთა მინისტრის მევლუთ ჩავუშოღლუს განცხადებით, თურქეთსა და აშშ-ს შორის არსებული დაძაბული ურთიერთობები გაწყვეტის პირასაა ამერიკელების მხრიდან სირიაში ტერორისტული დაჯგუფების მხარდაჭერის გამო.

„აშშ-სთან კავშირები კრიტიკულ ზღვარზეა. ჩვენ ან გამოვასწორებთ ამ ურთიერთობებს, ან ისინი სრულიად გაწყდება. ჩვენ შეერთებული შტატებისგან კონკრეტული ნაბიჯები გვჭირდება. დაკარგული ნდობა აღდგენას საჭიროებს. ნდობის დაკარგვის მიზეზი შეერთებული შტატებია", - განაცხადა მევლუთ ჩავუშოღლუმ.