„ნაციონალური მოძრაობის" წევრი, პარლამენტის დეპუტატი ოთარ კახიძე აცხადებს, რომ 2011 წლის 26 მაისს გამართულ აქციაზე პოლიციის მხრიდან ადგილი ჰქონდა ძალის გადამეტებას. ამის შესახებ კახიძემ „იბერიას" ეთერში საუბრისას განაცხადა.

„პოლიცია როდესაც იყენებს ძალას, ეს ავტომატურად იწვევს ტკივილს აქციის მონაწილეებში. ძალის გადამეტებას ჰქონდა ადგილი დაშლის დროს ცალკეული პოლიციელების მხრიდან. ეს არის ნამდვილად მომხდარი ფაქტი. ასევე ადგილი ჰქონდა აქციის დაკავებულ მონაწილეებზე ძალადობას", - განაცხადა ოთარ კახიძემ „იბერიას" ეთერში.