„რა შემთხვევაში გამოიყენებს რუსეთი ბირთვულ იარაღს?" - ამ შეკითხვას რუსეთის პრეზიდენტმა ვლადიმერ პუტინმა ამერიკულ ტელეკომპანია NBC-სთან ინტერვიუში უპასუხა. ვლადიმერ პუტინის თქმით, რუსეთმა ბირთვული იარაღი შესაძლოა, ორი მიზეზით გამოიყენოს.

„არსებობს ორი მიზეზი, რომელსაც შეუძლია, გვაიძულოს ჩვენ ბირთვული იარაღის გამოყენება: თავდასხმა ჩვენზე ბირთვული იარაღის გამოყენებით ან თავდასხმა რუსეთის ფედერაციაზე ჩვეულებრივი იარაღის გამოყენებით. თუმცა ამ შემთხვევაში - თუ რუსეთის სახელმწიფოს არსებობას საფრთხე შეექმნება", - განაცხადა რუსეთის პრეზიდენტმა.

ტელეკომპანია NBC-მ რუსეთის პრეზიდენტთან ინტერვიუს ფრაგმენტი გამოაქვეყნა, სრული ვერსია კი მოგვიანებით გადაიცემა ეთერში.