რუსეთის თავდაცვის სამინისტროს გავრცელებული ინფორმაციით, სირიაში რუსული სამხედრო-სატრანსპორტო თვითმფრინავი „ან-26" ჩამოვარდა, დაიღუპა 32 ადამიანი. 

„6 მარტს, მოსკოვის დროით დაახლოებით 15:00 საათზე „ჰმეიმიმის" აეროდრომზე დაშვებისას კატასტროფა განიცადა რუსულმა სატრანსპორტო თვითმფრინავმა „ან-26". წინასწარი ინფორმაციით, თვითმფრინავის ჩამოვარდნის მიზეზი შეიძლება ტექნიკური გაუმართაობა გამხდარიყო. ბორტზე ეკიპაჟის 6 წევრი და 26 მგზავრი იმყოფებოდა. არავინ გადარჩა. საგანგებოდ შექმნილი კომისია მომხდარის ყველა შესაძლო ვერსიას შეისწავლის", - აცხადებენ სამინისტროში.