„არჩილ ტატუნაშვილის ცხედარი ქართულ მხარეს შესაძლოა 2 კვირის განმავლობაში გადასცენ", - ამის შესახებ სააგენტო Front News-თან ინტერვიუში ოკუპირებული სამხრეთ ოსეთის დე ფაქტო პრეზიდენტის ე.წ პრესმდივანმა დინა გასიევმა განაცხადა.

„სამხრეთ ოსეთის პოზიცია ასეთია: ტატუნაშვილის ცხედარი საქართველოში მის ოჯახს აუცილებლად დაუბრუნდება, თუმცა ეს მხოლოდ ექსპერტიზის დასკვნის შემდეგ მოხდება. სავარაუდოდ ამას 2 კვირა დასჭირდება", - განაცხადა გასიევმა.

არჩილ ტატუნაშვილი 22 თებერვალს დილით ახალგორიდან გაიტაცეს, 23 თებერვალს, გამთენიისას კი, დე ფაქტო ცხინვალის ინფორმაციით, ის სუნთქვის უკმარისობით გარდაიცვალა. 

წყარო :