„უფლებადამცველთა გაერთიანების" თავმჯდომარე ნიკოლოზ მჟავანაძე გუშინ, გუდაურში მომხდარ ფაქტს სოციალურ ქსელში ეხმიანება და შემდეგი სახის პოსტს აქვეყნებს:

„ნოდარ ქუმარიტაშვილი საციგურაო ტრასის გაუმართაობის გამო, კანადაში, ზამთრის ოლიმპიადაზე გარდაიცვალა. ეს საშინელი ფაქტი გაშუქდა კანადურ მედიაში, მაგრამ არა იმ დოზით, როგორც დღეს შუქდება ქართულ მედიაში გუდაურის საბაგიროზე მომხდარი შემზარავი ფაქტი, რომელიც, საბედნიეროდ, უმსხვერპლოდ დასრულდა. გასაგებია, რომ აღნიშნული ფაქტი უნდა გაშუქებულიყო, მაგრამ არა იმ დოზით და იმ მასშტაბით, როგორც ეს მოხდა და ხდება. ტურიზმი ერთ-ერთი ყველაზე დიდი შემოსავლის წყაროა ქვეყნისთვის და ნუთუ ვერ ხვდებით, ერთ სანფორმაციო ბლოკში 20 წუთი რომ დაატრიალებთ ამ კადრებს თავისი კომენტარებითურთ, რა შედეგი აქვს ამას სამომავლოდ ქვეყნისთვის. ზომიერება ყველგან და ყველაფერში უნდა იქნეს დაცული", - წერს მჟავანაძე.