პოეტი გენრი დოლიძე სოციალურ ქსელში შემდეგი სახის პოსტს აქვეყნებს:

„ძვირფასო მეგობრებო!!!

ყველაზე მაგარი, საინტერესო, გამორჩეული და დინამიური ლიტერატურული კონკურსი „ლექსების გამოფენა" სულ რაღაც 5 დღეში ნაწარმოებების მიღებას შეწყვეტს.

ბათუმი ემზადება ფინალურ ეტაპზე გადასული კონკურსანტების მასპინძლობისთვის, შემოსულია საკმაო რაოდენობის მასალა, თუმცა ვისაც ჯერ კიდევ არ გამოგიგზავნიათ საკონკურსო ნამუშევარი, იჩქარეთ, დარჩენილია 5 დღე!!!

წინ ძალიან, ძალიან კარგი ამბები გველოდება.

რაც შეეხება უშუალოდ კონკურსის წესებს და პირობებს შეგიძლიათ იხილოთ ქვემოთ.

1. ლიტერატურული კონკურსი პოეზიაში:

მონაწილეობის მსურველმა საკონკურსოდ უნდა წარმოადგინოს ქართულ ენაზე დაწერილი, ბეჭდვით გამოცემებსა და/ან ინტერნეტ სივრცეში გამოუქვეყნებელი ერთი ლექსი.

გამარჯვებულთათვის დაწესებულია ფულადი პრიზები:

I ადგილი - 1000 ლარი;

II ადგილი - 700 ლარი;

III ადგილი - 500 ლარი.

2. ლიტერატურული კონკურსი მინიატურულ პროზაში - „ასი სიტყვა":

მონაწილეობის მსურველმა საკონკურსოდ უნდა წარმოადგინოს ქართულ ენაზე დაწერილი, ბეჭდვით გამოცემებსა და/ან ინტერნეტ სივრცეში გამოუქვეყნებელი ას-სიტყვიანი, ერთი პროზაული ნაწარმოები (სათაური არ ითვლება სიტყვათა რაოდენობაში).

გამარჯვებულთათვის დაწესებულია ფულადი პრიზები:

I ადგილი - 1000 ლარი;

II ადგილი - 700 ლარი

III ადგილი - 500 ლარი

ავტორებმა ნამუშევრები word-ის ფაილით უნდა გადააგზავნონ მისამართზე: leqsebisgamofena2017@gmail.com , 2018 წლის 26 მარტამდე. აუცილებელია სახელის, გვარისა და საკონტაქტო ტელეფონის მითითება.

ერთ ავტორს შეუძლია მონაწილეობა მიიღოს პროზაშიც და პოეზიაშიც თითო-თითო ნაწარმოებით.

„ლექსების გამოფენა" ჩატარდება ბათუმში, 19-20 მაისს. დასკვნით ეტაპზე გასულ ნაწარმოებთა ავტორები უზრუნველყოფილნი იქნებიან სასტუმროთი და შიდა ტრანსპორტით (ბათუმში).

დაგეგმილია საუკეთესო ნაწარმოებებისაგან შედგენილი კრებულის დაბეჭდვა.

ჟიურის შემადგენლობა: როსტომ ჩხეიძე, ანი კოპალიანი, ალექსანდრე ელერდაშვილი, როინ აბუსელიძე, ჯემალ ინჯია.

ნაწარმოებების ავტორთა ვინაობა ჟიურისთვის უცნობია გამარჯვებულთა გამოვლენამდე.

გისურვებთ წარმატებას!

საკონტაქტო პირი: ზაზა ფირცხალაიშვილი

ტელ: 593 214020", - წერს გენრი დოლიძე.