ჟურნალისტი გია გაბრიჭიძე სოციალურ ქსელში შემდეგი სახის პოსტს აქვეყნებს:

„დღეს საქართველოში:

- წამების შედეგად დაზიანებული ჯანმრთელობის გამო გარდაცვლილი სულხან მოლაშვილის მიერ, მის წამებაში დასახელებული გიგა ბოკერია პარლამენტის წევრია.

- კეზერაშვილი გამართლებულია.

- 48 მილიონის გაფლანგვაში ბრალდებული გიგი უგულავა, ხონისა და ვანის რაიონებიდან, საქართველოს პარლამენტის წევრობის კანდიდატია.

- სამაუწყებლო კომპანია „რუსთავი 2"-დან სხვადასხვა გადაცემების საშუალებით მიმდინარეობს ანტისახელმწიფოებრივი მოწოდებების და პროვოკაციების ტირაჟირება.

- სხვადასხვა მედიასაშუალებები ახდენენ ინციდენტის დამახინჯებულ წარმოჩენას - „გინება და ცემა ქრისტეს სახელით" და ამით ცდილობენ სკანდალური ფონის შექმნას.

- ქალთა მიმართ ძალადობაში დაადანაშაულეს ქალთა უფლებების დამცველი, ერთ-ერთი გავლენიანი არასამთავრობო ორგანიზაციის ხელმძღვანელი.

- „დღეიდან მე შიმშილობას ვიწყებ. უკრაინული ხელისუფლება რუსულ ხელისუფლებაზე არანაკლებ დანაშაულებრივია. მე გავივლი ამ გზას ისე, როგორც ის რუსეთში გავიარე. მართალ ადამიანს ვერ შეაშინებ", - სასამართლო სხდომაზე განაცხადა ნადეჟდა სავჩენკომ (ეს ისე, რატომღაც გამახსენდა).

და კიდევ მრავალი ფაქტი, რომელთა ჩამოთვლა ძალიან შორს წაგვიყვანს", - წერს გია გაბრიჭიძე.