კინორეჟისორმა გოგა ხაინდრავამ გადაცემა „20/30"-ში სტუმრობისას განაცხადა, რომ  „ნაციონალურმა მოძრაობამ" რამდენიც არ უნდა ირბინოს, ქართველი საზოგადოება მათ არ აჰყვება.

„ჩვენ ვხედავთ, ქვეყნის გარეთ მყოფი, მათ შორის, ჩრდილოეთში, დასავლეთში და აღმოსავლეთში არსებული პოლიტიკური ძალების მხარდაჭერით, პოლიტიკური გვამის რეანიმაცია მიმდინარეობს. ამას ხელს უწყობენ ქართული მედიასაშუალებებიც, რომლებიც ხალხის დაძაბვას ცდილობენ.
„მაიდანმა" უკრაინა დაანგრია და თუ ვინმე ფიქრობს, რომ საქართველოში ნაციონალების გარდა არსებობენ ადამიანები, რომლებიც ამ ქვეყნის დანგრევაზე ოცნებობენ, ძალიან დიდ შეცდომაშია შეყვანილი. ის აბსოლუტური სიგიჟე, რასაც სააკაშვილი უკრაინაში ქადაგებს, ჩვენ უკვე გავლილი გვაქვს.
სააკაშვილი რომელი ოლქის გუბერნატორიც არის, იქ ვერ აკეთებს ვერაფერს. აქ იყო, სრული ძალაუფლება ჰქონდა და რითაც დაამთავრა და ქართველმა ხალხმა როგორც გააპანღურა, ყველამ ვნახეთ. სააკაშვილი საქართველოში ცხვირს ვერასოდეს შემოჰყოფს. რისი ჩამომსვლელი და გადამტრიალებელია?! ამ ფარჩაკებმა რა „მაიდანი" უნდა მოაწყონ?!" - განაცხადა გოგა ხაინდრავამ.