„პრემიერმა აბსოლუტურად ამომწურავი განცხადება გააკეთა ამ ინციდენტთან დაკავშირებით. კიდევ ერთხელ გამოავლინა მაღალი პოლიტიკური შეგნება, როგორც პოლიტიკურმა ლიდერმა, გააკეთა აბსოლუტურად ადეკვატური განცხადება, რასაც ვერ ვიტყოდი პარლამენტის თავმჯდომარეზე“, - ამის შესახებ საპარლამენტო უმრავლესობის წევრმა ალექსანდრე ქანთარიამ ტელეკომპანია „იბერიის“ ეთერში განაცხადა.

„კობახიძის რიტორიკაში იყო რაღაც ავტორიტარული, რაც აბსოლუტურად მიუღებელია და მუჯლუგუნად ეს არ აღმიქვია, მაგრამ ამას ვერ მივიღებთ. უფრო პოლიტიკური გამოუცდელობა მგონია. ვფიქრობ, თავის თავთან იმუშავებს. არ მგონია, რომ ირაკლი კობახიძეს ცალკე გუნდი უნდა ჰყავდეს“, - განაცხადა ქანთარიამ.