აზერბაიჯანის საპრეზიდენტო არჩევნებში მოქმედი პრეზიდენტი ილჰამ ალიევი ლიდერობს.

ფრანგული კომპანია Opinionway-ს მონაცემებით, მოქმედმა პრეზიდენტმა ამომრჩეველთა 86,53%-ის მხარდაჭერა მოიპოვა. მეორე ადგილზე კი, გუდრატ გასანაგულიევია ხმათა 3,1%-ით. მას ზაჰიდ ორუჯი მოსდევს 2,9%-ით.

ELS-ის ეგზიტპოლის შედეგის თანახმად კი, ილჰამ ალიევმა ხმათა 82,71% მიიღო.

კომპანიამ გამოკითხვა 118 საარჩევნო უბანზე ჩაატარა.

საპრეზიდენტო არჩევნებში 8 კანდიდატი მონაწილეობდა. არჩევნების დღეს მთელი ქვეყნის მასშტაბით 5 426 საარჩევნო უბანი იყო გახსნილი.