„დიდი ბრიტანეთის სამხედრო საჰაერო ძალები სირიაში შესაძლო დარტყმის განსახორციელებლად საბრძოლო მზადყოფნაში იმყოფებიან“, - ამის შესახებ ინფორმაციას გაზეთი „The Times“ ბრიტანეთის მთავრობაში წყაროზე დაყრდნობით ავრცელებს.

„ჩვენი თვითმფრინავები კვიპროსში არკოტირში ბრიტანეთის სამხედრო საჰაერო ძალების ბაზაზეა და ჩვენ მზად ვართ“, - განაცხადა წყარომ.

თავის მხრივ, „BBC“-მ საკუთარ წყაროებზე დაყრდნობით ინფორმაცია გაავრცელა, რომ ტერეზა მეი მზად არის, სირიის პრო-სამთავრობო ძალების წინააღმდეგ სამხედრო ქმედებებს შეუერთდეს.

გამოცემა „The Telegraph“ კი იუწყება, რომ დიდი ბრიტანეთის პრემიერ-მინისტრმა ტერეზა მეიმ სირიისკენ ბრიტანული წყალქვეშა ნავების გაგზავნის ბრძანება გასცა.

გუშინ აშშ-ის პრეზიდენტმა დონალდ ტრამპმა რუსეთი გააფრთხილა, რომ აშშ სირიას დაბომბავს, რაც პასუხს წარმოადგენს 7 აპრილს ქალაქ დუმაში ქიმიური იარაღის გამოყენებაზე, რის შედეგადაც 70-მდე ადამიანი დაიღუპა.

წყარო :