ოკუპირებული ცხინვალის ტერიტორიაზე მოკლული არჩილ ტატუნაშვილის მამას, ხვალ მცხეთის რაიონულ პროკურატურაში დაკითხავენ.

გივი ტატუნაშვილი, საგამოძიებო ორგანოში დღის 11:00 საათზე უნდა გამოცხადდეს.

როგორც მოკლული გმირის მამა ამბობს, მისი პროკურატურაში დაბარების მიზეზი, მათი ვერსიებია, რომელიც არჩილ ტატუნაშვილის მკვლელობას უკავშირდება.

არჩილ ტატუნაშვილი 22 თებერვალს, დილით ახალგორიდან გაიტაცეს, 23 თებერვალს, გამთენიისას კი, ოკუპირებული ცხინვალის ინფორმაციით, ის სუნთქვის უკმარისობით გარდაიცვალა.

ტატუნაშვილის ცხედარი ქართული მხარის მიერ კონტროლირებად ტერიტორიაზე 20 მარტს გადმოასვენეს.

ტატუნაშვილი შეიარაღებულ ძალებში მსახურობდა და საერთაშორისო მისიებში გლობალურ მშვიდობასა და უსაფრთხოებას ემსახურებოდა.