საპარლამენტო უმრავლესობის წევრი ზვიად კვაჭანტირაძე საქართველოს ფინანსთა მინისტრის მამუკა ბახტაძის ინიციატივას პარლამენტში მისვლასა და ეკონომიკური რეფორმის განხილვასთან დაკავშირებით სოციალურ ქსელში ეხმაურება.

„საქართველოს უახლეს ისტორიაში პირველად ხდება, რომ ქვეყნის ერთ-ერთი საკვანძო მინისტრი ასეთ სწორ არჩევანს აკეთებდეს საკანონმდებლო ორგანოსთან თანამშრომლობისთვის. დღემდე, არავინ საკუთარი ინიციატივით არ მოსულა პარლამენტში და არ გაუმართავს შეხვედრა უმრავლესობასთან და ოპოზიციასთან. დღემდე, ასეთი შეხვედრები მინისტრებთან გაწერილი იყო მხოლოდ რეგლამენტით აუცილებელ შემთხვევებში და აუცილებელი დღის წესრიგით. მამუკა ბახტაძე არის სულით და გულით რეფორმატორი და სწორედ ამიტომ მაქვს დიდი იმედი, რომ მისი ხელშეწყობით რეფორმები გაძლიერდება და ქვეყანაში დაჩქარდება წინსვლა. ჩემი სრული მხარდაჭერა მამუკა ბახტაძეს“, - წერს ზვიად კვაჭანტირაძე.