რუსი ოკუპანტების მიერ გორის მუნიციპალიტეტის სოფელ ჯარიაშენის ტერიტორიიდან გატაცებული 77 წლის ელიზბარ მესტუმრიშვილი ცხინვალის იზოლატორიდან გაათავისუფლეს. ინფორმაციას 1tv ავრცელებს.

ოკუპირებული ტერიტორიიდან მესტუმრიშვილი სამართალდამცველებს ერგნეთის საგუშაგოზე გადმოსცეს.

გათავისუფლებულს შსს-ს შიდა ქართლის სამხარეო დეპარტამენტში მიიყვანენ. დაკითხვის შემდეგ, ელიზბარ მესტუმრიშვილი თავის ოჯახს დაუბრუნდება.

მესტუმრიშვილი რუსმა სამხედროებმა დღეს აიყვანეს.

წყარო :