მოსკოვში, პუშკინის მოედანზე რუსი ოპოზიციონერი ალექსეი ნავალნი დააკავეს.

დღეს რუსი ოპოზიციონერის, ალექსეი ნავალნის ორგანიზატორობით მისი მომხრეები რუსეთის მასშტაბით საპროტესტო აქციებს მართავენ. აქციები პრეზიდენტ ვლადიმირ პუტინის ინაუგურაციისადმი არის მიძღვნილი და ტარდება ლოზუნგით - „ის ჩვენი მეფე არ არის“. ბევრ ქალაქში, მათ შორის მოსკოვსა და პეტერბურგში ღონისძიებები არ არის ხელისუფლებასთან შეთანხმებული.

სამართალდამცველებმა სხვადასხვა რეგიონებში ნავალნის მომხრეები დააკავეს.