„პოლიცია ზრუნავს მოქალაქეებზე, პოლიცია გააკეთებს მაქსიმუმს იმისთვის, რომ თავიდან ავიცილოთ დაპირისპირება ჩვენს მოქალაქეებს შორის“ , - ამის შესახებ შს მინისტრმა „იმედის კვირასთან“ ექსკლუზიურ ინტერვიუში განაცხადა.

გიორგი გახარიას თქმით, შსს სიტუაციას აკონტროლებს და იმ შემთხვევაში თუ ან ერთი ან მეორე მხრიდან არის შეკითხვები, მზად არის უპასუხონ ამ შეკითხვებს.

მანამდე კი გიორგი გახარიამ განაცხადა, რომ  მზად არის თეთრი ხმაურის მოძრაობის წარმომადგენლებთან ერთად დაჯდეს და პარასკევს, ღამის კლუბებში სპეცოპერაციის შესახებ მათთან ერთად ისაუბროს.