„მართლმადიდებლების უდიდეს ნაწილს სწამს და სჯერა, რომ ცეცხლი სასწაულებრივად და თავისთავად ჩნდება იესო ქრისტეს საფლავზე და მათ აქვთ უფლება, ასე სწამდეთ და მათი რწმენა პატივისცემას იმსახურებს.

თუმცა,  თვითონ ქრისტიანებს შორის არის ბევრი ისეთიც, ვინც დარწმუნებულია, რომ არანაირ ზებუნებრივ  მოვლენას აქ ადგილი არა აქვს და ეს მხოლოდ ცეცხლის კურთხევის უძველესია რიტუალია, რომელსაც, ალბათ,  წარმართული ფესვები უფრო მეტი აქვს, ვიდრე ქრისტიანული, ისევე, როგორც, მაგალითად კვერცხების ღებვის ტრადიციას.

შემთხვევითი არ არის, რომ თავად იერუსალიმის პატრიარქი, რომელსაც საკუთარი ხელით გამოაქვს ცეცხლი ხალხთან, პრაქტიკულად, არასდროს უწოდებს ამ მოვლენას სასწაულს და არც არასდროს ახსენებს ცეცხლის გარდამოსვლას.

ის უბრალოდ ამბობს, რომ ეს არის ძალიან მნიშვნელოვანი, სიმბოლური დატვირთვის მქონე ცერემონია, რითაც თეოფილოს მესამე, შეიძლება ითქვას, ირიბად აღიარებს, რომ დიდი შაბათის წმინდა ცეცხლის ანთებაში არ არის არაფერი სასწაულებრივი, არაფერი ზებუნებრივი და არაფერი ზეციური.

ვინ-ვინ და, იერუსალიმის პატრიარქმა ეს ყველაზე კარგად იცის", - ტელეკომპანია „რუსთავი 2"-ის  წამყვანის გიორგი გაბუნიას მიერ, შაბათს, ტელეეთერიდან  გაკეთებული ეს განცხადება „ნაციონალური მოძრაობის" ერთ-ერთი ლიდერის გურამ ჩალაგაშვილის და ტელეკომპანია „რუსთავი 2"-ის ხელმძღვანელის ნიკა გვარამიას მწვავე დაპირისპირების მიზეზი გახდა.

საქმე იმაშია, რომ გაბუნიას ეს განცხადება გურამ ჩალაგაშვილმა „ფეისბუქის" საკუთარ გვერდზე გააზიარა მინაწერით: „არასწორი და ტუტუცი. მერე რა, რომ „რუსთავი 2"-ა. ბოდიში, მაგრამ ამის....."

ჩალაგაშვილის ამ სტატუსს, სტატუსით უპასუხა ნიკა გვარამიამ: „გამოიხედე ერთი აქეთ გურამ ჩალაგაშვილი, ვისი ამის და რა? შენიც და იმ პარტიის კიდე, ვინც, შე ბნელო, არჩევნებზე სადმე კანდიდატად დაგაყენებს. შენნაირი ბნელების ადგილი თუა „ნაციონალურ მოძრაობაში", ნამდვილად აღმოჩენა იქნება ჩემთვის. არასასიამოვნო აღმოჩენა", - წერს გვარამია.

ტელეკომპანიის ხელმძღვანელის ამ კომენტარს ჩალაგაშვილმა მხოლოდ ერთი სიტყვით უპასუხა - „ბრავო, ნიკა".

თუმცა, კონფლიქტი ამით არ ამოწურულა:

ნიკა გვარამია: მე გაჩვენებ შენ ბრავოს, შე უზრდელო და თავხედო.  აგინე შენი ოჯახის წევრები.

გურამ ჩალაგაშვილი: ვერ მივხვდი, მაგრამ მაინც ბრავო.

ნიკა გვარამია: რას ვერ მიხვდი? თავს ი...ლევებ თუ მე მა...ლევებ?

ნიკა გვარამია: ეს ვინც დაწერა „იმის...." რას ნიშნავს, ბებიაჩემი მიხვდა და რაც იგულისხმე, იმას ნიშნავს. არ გაგიტარებ მაგას, ტყუილად აგდებ ბანზე სიტყვას.

გურამ ჩალაგაშვილი:  შენი ნებაა. არ ხარ მართალი, თორე სუ მკიდია.

ნიკა გვარამია: რაში არ ვარ მართალი, მოყევი აბა.

გურამ ჩალაგაშვილი:  კაი, ნიკა, აქ სალაპარაკო არ მგონია იყოს. სხვაგან ნებისმიერ დროს.

ნიკა გვარამია: პროსტა ბნელი რომ ხარ და სასწაულებრივი ცეცხლის გჯერა, ეგ მეც მკიდია. შენი პირადი საქმეა და იმ პარტიის პრობლემა, რომელიც შენნაირ ბნელს პარლამენტში შეიყვანს. შენ ის მოყევი, „ამის..." რას ნიშნავს. მიდი, აბა მოყევი.

ჩალაგაშვილის და გვარამიას დაპირისპირებაში, „ფეისბუქში" სხვა ცნობილი სახეებიც ჩაერთნენ. ზოგმა ისიც გაიხსენა, რომ ჩალაგაშვილი ბევრ საკითხში „ბნელია", ზოგმა კი ორივეს რჩევა მისცა, რომ მსგავსი გარჩევები პირად სივრცეში გადაიტანონ და ხალხის დასაცინს ნუ გახდიან „ნაციონალურ მოძრაობას".

„ყველას აქვს სიტყვის და პოზიციის, გამოხატვის და რწმენის თავისუფლება. საკუთარ ფბ-გვერდზე მაინც. გურამმა შეურაცხყოფა მიაყენა და ნიკას გაცხარება ბუნებრივია, მაგრამ თუ პერსონალურად ვინმე შეურაცხგვყოფს, ეს იმას არ ნიშნავს, რომ პარტია და პოლიტიკური პარტნიორები ავამხედროთ მის წინააღმდეგ.

ნუ გადაგაქვთ ეს ამ ჭრილში, არ გვაქვს ეს ფუფუნება... გამარჯვება გვჭირდება და ერთად დგომა. ზოგს ქრისტესი სწამს, ზოგს ალლაჰის და ზოგსაც ოდინის.." - წერს ნინუკა ბორჩხაძე.

წყარო :