მზის ბატარეაზე მომუშავე თვითმფრინავმა „Solar Impulse 2"-მა წყნარ ოკეანეზე სამდღიანი ფრენა დაასრულა და კალიფორნიაში დაეშვა.

დაშვებამდე თვითმფრინავმა სან-ფრანცისკოში მდებარე ცნობილ ხიდს - ოქროს კარიბჭეს გადაუფრინა.

„Solar Impulse 2"-ს ახლა მეორე, რთული გამოცდა ელის. ის დაშვების გარეშე ნიუ-იორკიდან გიბრალტარის სრუტემდე უნდა გადაფრინდეს.

მზის ბატარეაზე მომუშავე თვითმფრინავის ფრენას მონაკოში მდებარე სადისპეტჩერო ცენტრიდან აკონტროლებენ.

მეტეოროლოგები და ფრენის ორგანიზატორები ინფორმაციას მუდმივად აახლებენ და „Solar Impulse 2"-თვის ოპტიმალურ მარშრუტს ირჩევენ.

Solar Impulse 2 შვეიცარიაში კონსტრუირებული თვითმფრინავია. მისი ფრთების საერთო სიგრძე 72 მეტრი, წონა კი 2,3 ტონაა.

თვითმფრინავის ზედაპირზე დაყენებული 17 ათასი მზის ბატარეა 4 ელექტროძრავს ამუშავებს.

თვითმფრინავის სიჩქარე საათში 140 კილომეტრია.

წყარო :