ჰავანის აეროპორტში ჩამოვარდნილი თვითმფრინავის ბორტზე 104 ადამიანი იმყოფებოდა. ამის შესახებ აშშ-ში კუბის ელჩმა, ხოსე რამონ კაბანსმა განაცხადა.

ავიაკატასტროფის ადგილზე იმყოფება კუბის პრეზიდენტი მიგელ დიას-კანელი.

პრეზიდენტმა მედიის წარმომადგენლებს განუცხადა, რომ კატასტროფის ადგილზე „დიდი მსხვერპლია”.

ხოსე მარტის საერთაშორისო აეროპორტში „ბოინგ 737”-ის ტიპის თვითმფრინავი აფრენიდან მოკლე დროში ჩამოვარდა.